കൊച്ചി: ഗുരുവായൂര് ദേവസ്വത്തിന്റെ നിയമനങ്ങള് നടത്താന് മാനേജിംഗ് കമ്മിറ്റിക്കാണ് അധികാരമെന്നു ഹൈക്കോടതി.
കേരള ദേവസ്വം റിക്രൂട്ട്മെന്റ് ബോര്ഡിനെ ഒഴിവാക്കിയാണ് ജസ്റ്റീസ് എസ്.എ. ധര്മാധികാരി, ജസ്റ്റീസ് വി.എം. ശ്യാംകുമാര് എന്നിവരടങ്ങുന്ന ഡിവിഷന് ബെഞ്ചിന്റെ ഉത്തരവ്.
ഗുരുവായൂര് ദേവസ്വത്തിലും അനുബന്ധ എയ്ഡഡ് സ്ഥാപനങ്ങളിലും വിവിധ തസ്തികകളിലേക്ക് അപേക്ഷ ക്ഷണിച്ച് റിക്രൂട്ട്മെന്റ് ബോര്ഡ് പുറപ്പെടുവിച്ച പുതിയ വിജ്ഞാപനങ്ങളും കോടതി റദ്ദാക്കി.
ദേവസ്വം മാനേജിംഗ് കമ്മിറ്റി നിയമാനുസൃതമായി പുതിയ വിജ്ഞാപനം പുറപ്പെടുവിച്ച് നിയമന നടപടികള് ആരംഭിക്കാനും കോടതി നിര്ദേശിച്ചു.
റിക്രൂട്ട്മെന്റ് ബോര്ഡ് നിയമനവ്യവസ്ഥ ശരിവച്ച സിംഗിള് ബെഞ്ച് ഉത്തരവിനെതിരേ ഗുരുവായൂര് ദേവസ്വം എംപ്ലോയീസ് യൂണിയന് കോണ്ഗ്രസ് അടക്കമുള്ളവര് സമര്പ്പിച്ച അപ്പീലുകളാണു പരിഗണിച്ചത്.
Deepika
E-paper LOGIN
LOGIN
